Gəncədə səyyar xidmətlər davam etdirilir. Bu haqda 4 iyul tarixində Azərbaycan Respublikası Dövlət Miqrasiya Xidmətinə istinadən xəbər veririk.
Dövlət Miqrasiya Xidməti şəhərimizdə və müxtəlif kənd və qəsəbələrində yaşayan həssas kateqoriyadan olan şəxslər üçün müraciətlərin əlçatanlığını təmin etmək məqsədilə səyyar xidmətlər göstərib. Səyyar xidmətlər zamanı Dövlət Miqrasiya Xidmətinin fəaliyyət istiqamətlərinə uyğun olaraq, şəxslərin yaşadıqları ünvanlarda müvafiq yaşamaq üçün icazə vəsiqələri təqdim edilib.
Şəxslərdən müvəqqəti və daimi yaşamaq üçün icazə vəsiqələrinin alınması və vətəndaşlıq mənsubiyyətinin müəyyənləşdirilməsi ilə bağlı sənədlər qəbul edilib, həmçinin müraciətlərə uyğun tələb olunan sənədlərin siyahısı izah edilib.
