Gəncə şəhərində Mənzil Kommunal Təsərrüfatı İstehsalat Birliyinin canlı qüvvə və texnikaları vasitəsilə Şəhidlər Xiyabanı Kompleksində təmizlik aksiyası təşkil olunub.
Gencexeber.az MKTİB-yə istinadən məlumat verir ki, xiyabanda və 1 saylı şəhər qəbiristanlığının ərazisində məzarların ətrafı alaq otlarından təmizlənib, daş, torpaq və məişət qalıqları bir yerə yığılaraq ərazidən daşınması təmin edilib. Mövcud məişət tullantıları və iri tutumlu konteynerlər boşaldılıb, ətrafında səliqə-sahman yaradılıb. İməcilik zamanı məzarlıq ərazisində olan ağac və gül kollarına da aqrotexniki qulluq göstərilib, suvarılması təmin edilib.
Qeyd edək ki, bir müddət öncə MKTİB tərəfindən Şəhidlər Xiyabanında yaşıllaşdırma işləri həyata keçirilib, əraziyə mövsümü güllər əkilmişdir.
