Rufo Gəncinski kimi tanınan məşhur azərbaycanlı "qanuni oğru" Ülfət Tağıyev yanvarın 7-də Dubayda saxlanılıb.
Lent.аz xəbər verir ki, o, Dubayda gürcü "qanuni oğrular" ilə birlikdə olub. Məlumata görə, Birləşmiş Ərəb Əmirlikləri (BƏƏ) polisi genişmiqyaslı xüsusi əməliyyat keçirərək təxminən 200 cinayətkarı saxlayıb. Onların bir hissəsinin Rusiya, Gürcüstan və Azərbaycan vətəndaşlığı var.
Rufo Rusiya ərazisində olarkən bir sıra cinayətlər törədib, həmçinin bütün sahibkarlardan "xərac" toplayaraq onlara "oğru vergisi" tətbiq edib.
Qeyd olunur ki, sonradan o, BƏƏ-də məskunlaşıb. Amma ərəb təhlükəsizlik qüvvələri Rufo və onun əlaltılarını qısa zaman kəsiyində yaxalayıblar. Hazırda həmin şəxs deportasiya mərkəzində saxlanılır.
