Sabah Ramazan ayının ikinci günüdür.
Gencexeber.az məlumat verir ki, Qafqaz Müsəlmanları İdarəsinin açıqladığı təqvimə əsasən, fevralın 20-də Gəncə üzrə imsak vaxtı saat 06:17, iftar vaxtı isə saat 18:49-dür.
Ramazan ayının 2-ci gününün duası:
"Allahummə qərribni fihi ila mərzatik. Və cənnibni fihi min səxətikə və nəqimatik. Və vəffiqni fihi liqiraəti ayatik. Birəhmətikə ya ərhəmər-rahimin".
Tərcüməsi:
"İlahi, bu gün məni öz razılığına yaxınlaşdır, qəzəb və intiqamından uzaq et. Sənin ayələrini (Qur-ani) oxumaqda mənə müvəffəqiyyət ver. Sonsuz mərhəmətinə And verirəm, ey rəhmlilərin ən rəhmlisi!"
İftar duası:
"Allahummə ləkə sumtu və əla rizqikə əftərtu və əleykə təvəkkəltu. Bismillahir-Rəhmanir-Rəhim. Ya vasiəl-məğfirəti iğfirli".
Tərcüməsi:
"İlahi, səndən ötrü oruc tutdum, sənin verdiyin ruzi ilə iftar açdım və sənə təvəkkül etdim. Bağışlayan və mehriban Allahın adı ilə. Ey hüdudsuz bağışlama sahibi, mənim günahlarımı bağışla!"
Qeyd edək ki, şəkillərdə yer alan vaxtlar Gəncə şəhərinə aiddir. Qərb bölgəsinin digər rayonlarında dəqiq imsak və iftar vaxtlarını bilmək üçün (Göygöl və Samux rayonları istisna olmaqla, vaxtlar Gəncə ilə eynidir) aşağıda qeyd edilən dəqiqələri şəkillərdəki vaxtlarla toplayın və ya onlardan çıxın:
Daşkəsən + 1 dəqiqə;
Şəmkir + 1 dəqiqə;
Gədəbəy + 2 dəqiqə;
Tovuz + 2 dəqiqə;
Ağstafa + 4 dəqiqə;
Qazax + 5 dəqiqə;
Goranboy - 2 dəqiqə;
Mingəçevir - 3 dəqiqə;
Yevlax - 3 dəqiqə.
