Qış fəsli Azərbaycana dekabrın 21-i saat 19:03:01-də daxil olacaq, bununla da Şimal yarımkürəsində qış, Cənub yarımkürəsində isə yay fəsli başlayacaq.
Bakı Dövlət Universitetinin Fizika fakültəsinin Astrofizika kafedrasından Gencexeber.az-a verilən məlumata görə, bu zaman Yerin fırlanma oxu Günəş istiqaməti ilə ən böyük bucaq əmələ gətirir və ya Günəş həmin gün günorta üfüqdən minimum hündürlükdə (26⁰.2) olur. Həmin gün ən qısa gündüz (gündüzün uzunluğu 9 saat 17 dəqiqə 22 saniyə) və ən uzun gecə (gecənin uzunluğu 14 saat 42 dəqiqə 38 saniyə) olur.
Qış fəslinin uzunluğu 88 gün 23 saat 42 dəqiqə 52 saniyə təşkil edəcək.
Qeyd edək ki, Bakı ilə Gəncə arasında coğrafi mövqeyə görə təxminən 13 dəqiqəlik vaxt fərqi mövcuddur. Belə ki, Günəş vaxtına əsasən Bakıda saat 12:00 olduqda, Gəncədə faktiki olaraq saat 12:13 olmalıdır. Lakin Bakı və Gəncə eyni saat qurşağında yerləşdiyindən və Azərbaycanda vahid rəsmi saat tətbiq edildiyinə görə, rəsmi olaraq iki şəhər arasında vaxt fərqi mövcud deyil.
