Xəbər verdiyimiz kimi, Gəncə–Şəmkir yolunun Şəmkir rayonu ərazisindən keçən hissəsində dəhşətli yol-nəqliyyat hadisəsi baş verib. "Mercedes" markalı avtomobilin sürücüsü idarəetməni itirərək nəqliyyat vasitəsini yol kənarındakı divara çırpıb.
Gencexeber.az-ın məlumatına görə, hadisə yerinə Fövqəladə Hallar Nazirliyinin Gəncə Regional Mərkəzinin Xüsusi Xilasetmə Hissəsinin əməkdaşları cəlb olunub. Xilasedicilər avtomobildə sıxılmış vəziyyətdə qalan iki nəfərin meyitini çıxararaq aidiyyəti üzrə təhvil veriblər.
Qəza nəticəsində həlak olanlardan biri — Şəmkir rayonunun Seyfəli kəndi sakini, 18 yaşlı Hikmət Zahid oğlu Vəlizadədir. Məlumata görə, o, cəmi iki gün əvvəl əsgərlikdən məzuniyyətə gəlmişdi.
Digər mərhum isə avtomobili idarə edən sürücü — 1990-cı il təvəllüdlü Əhliman Ramiz oğlu Əbdidir.
Faktla bağlı araşdırma aparılır.
