Gəncədə növbəti qanunsuz tikili aşkarlanıb. Bu haqda 9 iyul tarixində İcra Hakimiyyətinə istinadən məlumat veririk.
Şəhər ərazisində monitorinqlər davam edir. Reydə İcra Hakimiyyəti yanında Şəhərdə tikinti norma və qaydalarına riayət olunmadan aparılan tikintilərin müəyyən edilməsi məqsədilə yaradılan komissiya üzvlərinin, FHN-nin Tikintidə Təhlükəsizliyə Nəzarət Dövlət Agentliyinin Qərb Regional Mərkəzinin Əmlak Məsələləri Dövlət Xidmətinin Gəncə Ərazi Şöbəsinin və hüquq-mühafizə orqanlarının nümayəndələri qatılıblar.
Yoxlamalar nəticəsində Heydər Əliyev prospektində yerləşən qeyri-yaşayış obyektinə bitişik dəmir konstruksiyadan ibarət talvar aşkar olunub. Müvafiq qərarla qanunsuz inşa edilən artırma sökülüb.
