Gədəbəy rayonunda qarlı hava şəraiti yol-nəqliyyat hadisəsinə səbəb olub.
Gencexeber.az-ın məlumatına əsasən, hadisə Şəmkir–Gədəbəy avtomobil yolunun rayon ərazisindən keçən hissəsində qeydə alınıb.
Belə ki, hərəkətdə olan "Hyundai" markalı yük avtomobili ilə "VAZ-2106" markalı minik avtomobili toqquşub. Qəza zamanı xəsarət alan olmasa da, hər iki nəqliyyat vasitəsinə ciddi maddi ziyan dəyib.
İlkin məlumata görə, qəzaya səbəb yolun qarlı və sürüşkən olması olub. Hadisə yerinə Dövlət Yol Polisi əməkdaşları cəlb edilib.
Faktla bağlı Gədəbəy Rayon Polis Şöbəsində araşdırma aparılır.
