Bakının 115 nömrəli tam orta məktəbin 5-ci sinif şagirdləri bu yaxınlarda qan xərçəngi aşkarlanan sinif yoldaşları – 11 yaşı tamam olan Rüqəyyə Tanırverdiyevaya doğum günündə unudulmaz sürpriz ediblər.
Gencexeber.az-ın məlumatına görə, uşaqlar Rüqəyyəni təbrik etmək üçün Milli Hematologiya və Transfuziologiya Mərkəzi (Qanköçürmə İnstitutu) qarşısına toplaşıblar. Onlar əllərində şarlar və təbrik plakatları ilə sinif yoldaşlarını alqışlarla qarşılayıblar. Duyğusal anlar yaşayan Rüqəyyə sinif yoldaşlarının bu jesti qarşısında göz yaşlarını saxlaya bilməyib.
Qeyd edək ki, Rüqəyyə əslən Gəncə şəhərindəndir. Ailəsi əvvəllər şəhərin Böyük Bağman tarixi məhəllələrində yaşayıb. Hazırda müalicə ilə əlaqədar Bakıya köçüblər.
Rüqəyyəyə şəfa diləyir, tezliklə sağalaraq yenidən məktəb dostlarının sırasına dönməsini arzulayırıq.
