Azərbaycan Respublikasının Prezidenti İlham Əliyevin sərəncamı ilə sabiq karateçi, hazırda Fövqəladə Hallar Nazirliyinin idman cəmiyyətinin rəhbəri, Azərbaycan Karate Federasiyasının vitse-prezidenti və FHN-nin polkovniki Füzuli Musayev "Vətənə xidmətə görə" 3-cü dərəcəli ordenə layiq görülüb.
Bu barədə sərəncam president.аz saytında dərc edilib.
Qeyd edək ki, Gəncədə anadan olan Füzuli Musayev karate üzrə 8-ci dan qara kəmərin sahibidir. O, daha əvvəl "Tərəqqi" medalı ilə təltif olunub, Azərbaycan Respublikasının əməkdar bədən tərbiyəsi və idman xadimi, əməkdar məşqçi, əməkdar idman ustası adlarını daşıyır.
Füzuli Musayev eyni zamanda karate üzrə dünya və Avropa çempionudur.
