Qızıl medal qazanan paralimpiyaçımız İmaməddin Xəlilovun Gəncədə qarşılanma mərasimi keçiriləcək.
Gencexeber.az-a Gəncə-Daşkəsən Regional Gənclər və İdman idarəsindən verilən məlumata əsasən, tədbir bu gün, sentyabrın 5-i saat 18:30-da baş tutacaq. Paralimpiyaçı Heydər Əliyev Park-Kompleksində yerləşən “Zəfər Tağı”nın önündə qarşılanacaq.
Burada idman ictimaiyyətinin nümayəndələri və İmaməddinin yaxınları yer alacaqlar. Həmçinin, hər bir sakin könüllü olaraq, qarşılama mərasiminə qatıla bilər.
Xatırladaq ki, İmaməddin Xəlilov “Paris-2024” Yay Paralimpiya Oyunlarında qızıl medala sahib olub.
