2025-ci ildə Azərbaycanda 13 subay şəxs övladlığa uşaq götürüb.
Oxu.аz xəbər verir ki, bunu Sosial Xidmətlər Agentliyinin İdarə Heyətinin sədri Vüqar Behbudov DOST TV-nin efirində çıxışı zamanı deyib.
O bildirib ki, subay olan şəxslər də himayədar ailə ola, həmçinin övladlığa uşaq götürülməsi üçün müraciət edə bilərlər:
"Bunun üçün bəzi prosedurlar var. Müəyyən edilmiş yaş kateqoriyasında olan subay şəxslər həm himayədar ailə, həm də övladlığa uşaq götürmə ilə bağlı elektron qaydada müraciət ünvanlaya bilərlər. Müraciətdən sonra qiymətləndirmə başlayır. Vətəndaşlar təlimlərə cəlb olunur, uşaqlar ilə davranış qaydalarını öyrənirlər və imtahan verirlər. Bütün tələblərə cavab verən şəxs bu hüquqa sahib olur".
