Şəmkir rayonunun Hacıalılar kəndində 21-ci əsrdə belə əhali hələ də evlərinə su çatdırmaq üçün böyük çətinliklərlə üzləşir.
Yenisabah.аz xəbər verir ki, kənd sakinləri, xüsusilə qadınlar bulaqlardan su bidonlarını dolduraraq eşşəklərə yükləyib palçıqlı yollarla evlərinə daşıyırlar.
Kənddə mərkəzləşdirilmiş su sistemi yoxdur və əhali gündəlik ehtiyaclarını bu üsulla təmin etməli olur. Fevral ayı, qışın soyuq günlərində bu vəziyyət kənd sakinləri üçün daha da çətinləşir.
Kənddə təkcə insanlar deyil, heyvanlar da susuzluqdan əziyyət çəkir və həmin bulağa su içməyə gedirlər.
Hacıalılar kəndində insanların eşşəklə su daşımasını əks etdirən fotoları təqdim edirik:
