Gəncədə qanunsuz tikililər sökülüb. Bu haqda 3 iyul tarixində İcra Hakimiyyətinə istinadən məlumat veririk.
Şəhərin bir sıra ərazilərində monitorinqlər həyata keçirilib. Nəticədə Natəvan qəsəbəsində və Zərifə Əliyeva küçəsində müvafiq icazəverici sənədləri olmadan qeyri-yaşayış sahəsinin tikintisinin aparıldığı aşkarlanıb. Tədbirlər zamanı tikinti işləri dayandırılıb və söküntü prosesi aparılıb.
Qeyd edək ki, burada İcra Hakimiyyəti yanında Şəhərdə tikinti norma və qaydalarına riayət olunmadan aparılan tikintilərin müəyyən edilməsi məqsədilə yaradılan komissiya üzvlərinin, FHN-in Tikintidə Təhlükəsizliyə Nəzarət Dövlət Agentliyinin Qərb Regional Mərkəzinin, Gəncə Regional Dövlət Yanğın Nəzarət İdarəsinin, Əmlak Məsələləri Dövlət Xidmətinin 3 saylı Gəncə Ərazi İdarəsinin və hüquq-mühafizə orqanlarının nümayəndələri iştirak ediblər.
