Macarıstanın paytaxtı Budapeştdə 23 yaşadək boksçular arasında Avropa çempionatı keçirilib.
Gencexeber.az məlumat verir ki, Azərbaycan Respublikasının milli komandasının tərkibində yarışa qatılan "Təhsil" RİM Gəncə şəhər 1 nömrəli Uşaq-Gənclər İdman-Şahmat Məktəbinin yetirməsi Əlizadə Səbuhi +90 kiloqram çəki dərəcəsində, məşqçi-müəllim Məhəmməd Əliyevin rəhbrliyi altında turnirdə III yerə layiq görülüb.
Heydər Əliyev Park-Kompleksində idmançı və onun məşqçisinin qarşılanma mərasimi keçirilib. Tədbirdə Gəncə–Daşkəsən Regional Gənclər və İdman İdarəsinin rəisi Elvin Quliyev, idman ictimaiyyətinin nümayəndələri və şəhərin idman təşkilatlarının rəhbərləri iştirak ediblər.
Qalib idmançıya səmimi təbriklər çatdırılıb, ona gələcək yarışlarda yeni uğurlar arzulanıb. Tədbirin sonunda xatirə fotosu çəkilib.
