Gəncə şəhərinin rəhbəri bina partlayışında zərərçəkən şəxslərə baş çəkib.
Gencexeber.az məlumat verir ki, Gəncə Şəhər İcra Hakimiyyətinin başçısı Niyazi Bayramov Abbas Səhhət adına xəstəxanaya hospitalizasiya olunan 25 yaşlı Firuzə Yusibovanı və 20 yaşlı Nuranə Əliyevanı ziyarət edib, onların vəziyyəti ilə maraqlanıb.
N.Bayramovun sözlərinə görə, zərərçəkənlərə dövlət tərəfindən zəruri yardımlar ediləcəkdir:
“Bu gün baş verən partlayış nəticəsində yaralanan sakinlərə tərəfimizdən maddi yardım göstəriləcək. Həmçinin evləri yararsız hala düşən və qalmağa yeri olmayan sakinlər kirayə mənzillərə yerləşdiriləcəklər”.
