Şəkər tozu və nanə yarpaqları "Napoleon" tortunun klassik təqdimatının elementləridir.
Lent.аz xarici mediaya istinadla xəbər verir ki, məşhur "Napoleon" tortu haqqında çoxsaylı əfsanələr var.
Əfsanəyə görə, tortun birbaşa real Napoleonla XIX əsrin əvvəllərindəki qələbələri ilə tanınan Fransa imperatoru və sərkərdəsi ilə əlaqəsi var. Guya onun həyat yoldaşı, imperatriça Jozefina, saray xanımlarından birinə görə Napoleonu qısqanır. Napoleon isə hər şeyi inkar edərək bildirir ki, sadəcə fereylinadan möhtəşəm bir tortun reseptini soruşub. İncimiş Jozefina səhəri gün həmin tortu tələb edir.
Beləliklə, Napoleon aşpazı çağırıb ona bir gecənin içində zərif bir desert yaratmağı əmr edir. O da yüngül vanil ətirli kremə hopmuş çoxsaylı nazik qatlı dadlı bir tort bişirir və "Napoleon" tortunu kimin icad etdiyi aydın olur.
Başqa bir əfsanə də imperator Napoleonla, daha dəqiq desək, onun ordusunun 1812-ci ildə məğlubiyyəti ilə bağlıdır. Rəvayətə görə, qələbəni qeyd edərkən aşpazlar müxtəlif desertlər hazırlayırlar. Onlardan biri də kremli, laylı xəmirdən hazırlanan kiçik pirojnalar olur. Onlar üçbucaq formasında hazırlanırdı ki, bu da məğlub edilmiş imperatorun məşhur üçkünc papağını xatırladırdı. Zamanla bu pirojnalar tam bir torta çevrilir və "Napoleon" adı ilə tanınmağa başlayır.
Sonuncu əfsanə isə bizi İtaliyanın cənubundakı Neapol şəhərinə aparır. Burada qədimdən çoxqatlı xəmirdən hazırlanan və şirə ilə isladılan desert bişirilirdi. Ədəbiyyatda bu desert Napoleondan yarım əsr əvvəl məşhur fransız aşpaz Fransua Pyer de La Varenin "mille-feuille" ("min qat") adlı kitabında ilk dəfə xatırlanır.
Əgər kremə duzlu karamel, ərik mürəbbəsi və püstə qatılarsa, "Nikolayevski Napoleon" adlanan variant alınır.
