Gəncədə müəllimlər üçün imtahan təşkil olunub. Bu haqda 9 iyul tarixində İnsan Resursları Mərkəzinə istinadən məlumat veririk.
Müəllimlərin işə qəbulu üzrə müsabiqənin test imtahanı mərhələsi baş tutub. Buraya tarix, coğrafiya və alman dili fənləri üzrə 7015 namizəd dəvət olunub. Onların 83 faizi imtahana gəlib.
Proses 18 nömrəli orta məktəbdə təşkil olunub. Lakin imtahan mərkəzində şəbəkəni təmin edən optik kabel sıradan çıxıb. Nəticədə imtahan prosesi dayandırılıb. Problem qısa müddətdə aradan qaldırıla bilmədiyi üçün test imtahanının tarixi dəyişdirilib.
Yeni tarixlə bağlı məlumat namizədlərin şəxsi səhifələrinə göndərilib.
