Mingəçevir Şəhər Polis Şöbəsinin əməkdaşları dələduzluq etməkdə şübhəli bilinən şəxsi saxlayıblar.
Apa-ya verilən məlumata görə, söhbət 35 yaşlı Vüsal Xəlilovdan gedir. O, zərərçəkənlərin etibarından sui-istifadə edərək, onların iri və xırdabuynuzlu heyvanlarını ələ keçirib. Bu kimi dələduzluq əməlləri ilə Xəlilov 8 nəfərə 300 min manat maddi ziyan vurub. Saxlanılan şəxs zərərçəkmişlərdən aldığı heyvanları dəyərindən ucuz qiymətə satdığını bildirib.
Məhkəmənin qərarı ilə Vüsal Xəlilov barəsində həbs qətimkan tədbiri seçilib.
Araşdırmalar davam etdirilir.
Həmin şəxsin qanunsuz əməllərindən zərərçəkən başqa vətəndaşlar olarsa, bu barədə polis orqanlarına məlumat verə bilərlər.
