İqtisadiyyat naziri Gəncəyə səfər edib. Bu haqda 27 iyul tarixində nazirin sosial şəbəkə hesabına istinadən məlumat veririk.
Şəhərimizdə qonaq olan Mikayıl Cabbarov Gəncə və ətraf rayonlarda fəaliyyət göstərən sahibkarlarla görüşüb. Burada nazirliyin aidiyyəti strukturlarının rəhbərləri, qeyri-neft sənayesi istehsalçıları və ixracatçıları iştirak ediblər.
Nazir sənaye müəssisələrinin yaradılması və bu sahədə idxaldan asılılığın azaldılması üçün reallaşdırılan tədbirləri diqqətə çatdırıb. Sahibkarlarla qeyri-neft sənayesindəki inkişafı davam etdirmək, istehsal və ixracı artırmaq barədə fikir mübadiləsi aparılıb. İş adamları ilə xammalın keyfiyyəti, investisiya təşviqi, bank-maliyyə hesablaşmaları, daxili bazarın qorunması, kommunal xidmətlərdə differensial tariflər, dövlət satınalmaları, kredit resurslarına çıxış, ixtisaslı kadr potensialı kimi məsələlər müzakirə edilib.
