Goranboyda ölümlə nəticələnən ağır yol-nəqliyyat hadisəsi baş verib.
Gencexeber.az-ın məlumatına görə, hadisə rayonun Nadirkənd kəndi ərazisində qeydə alınıb. Hərəkətdə olan "Lada" markalı minik avtomobili idarəetmədən çıxaraq ağaca çırpılıb.
Qəza nəticəsində Goranboy rayonunun Kələk kəndi sakini, 1986-cı il təvəllüdlü A.Hüseynov hadisə yerində ölüb. 2008-ci il təvəllüdlü S.Hüseynov, 1991-ci il təvəllüdlü L.Əliyeva və 2014-cü il təvəllüdlü Y.Hüseynova isə xəstəxanaya çatdırılıblar.
Həkimlərin səylərinə baxmayaraq xəstəxanaya yerləşdirilən sürücünün övladı S.Hüseynovu xilas etmək mümkün olmayıb.
Qeyd edək ki, qəza zamanı avtomobildə olan şəxslər bir ailənin üzvləri olub.
Faktla bağlı araşdırma aparılır.
