Gəncədə bağçalara uşaq qəbulu başlayır. Bu haqda 18 iyul tarixində Elm və Təhsil Nazirliyinə istinadən məlumat veririk.
Uşaqların dövlət məktəbəqədər təhsil müəssisələrinə qeydiyyatına start verilir. Valideynlər www.bq.edu.az saytına daxil olaraq, 2024-2025-ci tədris ili üçün müəssisələrə qəbulla bağlı elektron kabinet yarada bilərlər.
Uşaqların təhsil müəssisəsinə növbəyə yazılma prosesi isə Regional Təhsil İdarəsi (Atatürk prospekti və Aida İmanquliyeva küçəsinin kəsişməsi) üzrə 19 iyul tarixində baş tutacaq.
Uşaqlar qrupların komplektləşdirilməsi prosesi başa çatdıqdan sonra bu ilin sentyabrın 1-dən etibarən tədrisə başlaya bilərlər.
Qeyd edək ki, boş yerlərə qəbul il ərzində aparılacaq.
[modula id="62419"]
