Gəncə təmsilçisi növbəti oyun keçirib. Bu haqda 27 iyul tarixində futbol klubuna istinadən məlumat veririk.
Yeni mövsümə hazırlıq çərçivəsində “Kəpəz” son yoxlama matçına çıxıb. “Sarı-göylər”in bu dəfəki rəqibi “Pelikan” olub. Tərəflər şəhərimizdə yerləşən Məşq Mərkəzində üz-üzə gəliblər.
Qarşılaşma təmsilçimizin 4:0 hesablı qələbəsi ilə yekunlaşıb.
Oyunun ilk yarısında Kərim Lkoça və Əli Səmədov fərqləniblər. Fasilədən sonra isə Lassana Ndiaye və Redon Mihana qol vurublar.
