Gəncə təmsilçisi yeni mövsümdə yeni oyun formalarında çıxış edəcək. Bu haqda 2 avqust tarixində futbol klubuna istinadən xəbər veririk.
Komandamızın yeni mövsüm üçün oyun formaları təqdim olunub. Geyimlər ənənəvi olaraq klubumuzun rənglərinə uyğun – sarı və göy rəngdədir. Bu dəfə fərqli dizayn edilən formalar yaxalıqlıdır. Formaların üzərində klubumuzun loqosu, həmçinin futbolçuların adları və ya soyadları əks olunub.
Bundan əlavə, bu mövsümdən "Kəpəz"ə tibbi dəstək verən Gəncə Memorial Hospitalı və su təminatını qarşılayan “Aqua Life Qax” sularının adı və loqosu formaların üzərində yer alıb. Geyimlər İspaniyanın tanınmış "Joma" firmasının istehsalıdır.
