Rayon İcra Hakimiyyətində növbəti vətəndaş qəbulu keçirilib.
Burada vətəndaşları narahat edən hər bir məsələ ilə yaxından tanış olunub,qaldırılan müraciət və təkliflərin hər biri yerində dinlənilib. Qəbul zamanı şəhid ailələri, qazilər və müharibə iştirakçılarının hər birinin müraciətləri növbədənkənar dinlənilib, digər vətəndaşlar isə növbəlilik əsasında qəbul ediliblər.
Vətəndaşlar tərəfindən edilən müraciətlər əsasən, yaşadığı evin təmir olunmasına köməklik göstərilməsi, işlə bağlı müraciət, fərdi yaşayış evinin tikintisi üçün torpaq sahəsinin ayrılması eləcə də digər sosial müdafiə məsələləri ilə bağlı olub. Qəbulda iştirak edən sakinlərin hər birini ayrılıqda dinləyən Göygöl Rayon İcra Hakimiyyətinin başçısı qaldırılan bütün məsələlərin nəzarətə götürüldüyünü, qaldırılan məsələlərin həlli üçün müəyyən tədbirlər görüləcəyini diqqətə çatdıraraq bununla bağlı aidiyyəti üzrə müvafiq tapşırıqlar verib.
