Gəncədə tələbələrin köçürülməsi prosesi başlayır. Bu haqda 19 iyul tarixində ATU-ya istinadən məlumat veririk.
Şəhərimizdə fəaliyyət göstərən universitetlərdə təhsilalma formasını, ixtisasını dəyişmək və başqa təhsil müəssisəsinə köçürülmək istəyənlər üçün transfer start götürür. Bununla bağlı gənclər portal.edu.az platformasına müraciət edə bilərlər.
Tələbələr 25-31 iyul (saat 18:00-dək) tarixlərində saytda qeydiyyatdan keçərək “şəxsi kabinet” yaratdıqdan sonra istifadəçi adı və paroldan istifadə etməklə müvafiq bölməyə daxil olub, köçürülmək üçün elektron müraciət formasını doldurub təsdiq etməlidirlər.
