Mikayıl Cabbarov Gəncədə yeni tikilən idman müəssisəsini ziyarət edib. Bu haqda 27 iyul tarixində nazirin sosial şəbəkə hesabına istinadən məlumat veririk.
İqtisadiyyat naziri yeni istifadəyə verilmiş Gəncə İdman Sarayında yaradılmış şəraitlə tanış olub. Bununla bağlı Mikayıl Cabbarov “X” sosial şəbəkəsindəki hesabında paylaşım edib.
"Gəncədə sahibkarlarla görüşdən sonra dövlət başçısı, Milli Olimpiya Komitəsinin prezidenti İlham Əliyevin Sərəncamı ilə inşa edilən Gəncə İdman Sarayında yaradılmış şəraitlə tanış olduq. Belə müasir idman infrastrukturunun mövcudluğu idmançıları ilə məşhur olan Gəncədə komanda və fərdi idman növlərinin gələcək inkişafına böyük təkan verəcək. “Paris-2024” Yay Olimpiya Oyunlarında iştirak edən bütün idmançılarımıza uğurlar arzulayıram", - deyə o yazıb.
[modula id="62740"]
