Ali Məhkəmədə insan alverində təqsirləndirilən Yeganə Qəhrəmanovanın barəsindəki qərardan verilən kassasiya şikayəti üzrə məhkəmə iclası başa çatıb.
Pravda.аz xəbər verir ki, hakim İlqar Qılıcovun sədrliyi ilə keçirilən prosesdə qərar elan olunub.
İttihama görə, Y.Qəhrəmanova zərərçəkmiş ilə Tovuz rayonu, Qovlar şəhərindən mobil telefon vasitəsilə əlaqə saxlayıb, onu Türkiyənin Bursa şəhərində olan tikiş sexlərinin birində yüksək məvacibli işə düzəldəcəyi adı ilə aldadıb. Təqsirləndirilən şəxs zərərçəkmiş şəxsin razılığını aldıqdan sonra bütün yol xərclərini ödəyərək onu 11 dekabr 2016-cı il tarixdə Bursa şəhərinə aparıb və bir müddət ərzində orada müxtəlif ünvanlarda pul ödənişi müqabilində cinsi əlaqədə olması üçün kişi müştərilərinə təqdim edib.
Gəncə Ağır Cinayətlər Məhkəməsinin hökmü ilə o, 3 il 6 ay müddətinə azadlığın məhdudlaşdırılması (elektron qolbaq) cəzasına məhkum olunub, Cinayət Məcəlləsinin 144-3.4-cü maddəsi ilə isə Y.Qəhrəmanovaya bəraət verilib. Hökmdən narazı qalan dövlət ittihamçısı apellyasiya və kassasiya protesti verərib. Ali Məhkəmənin qərarına əsasən, kassasiya protesti qismən təmin edilib, aşağı instansiya məhkəməsinin çıxardığı qərar qismən ləğv olunub, iş yenidən baxılması üçün apellyasiya instansiyası məhkəməsinə göndərilib. Gəncə Apellyasiya Məhkəməsinin qərarına əsasən, apellyasiya protesti qismən təmin edilib, Gəncə Ağır Cinayətlər Məhkəməsinin çıxardığı hökm Cinayət Məcəlləsinin 62-ci maddəsinin tətbiqinə dair müddəalar xaric eolunub. Təqsirləndirilən şəxs 7 il 6 ay 18 gün müddətinə azadlıqdan məhrum edilib. Yeganə Qəhrəmanova məhkəmə iclas zalından həbsə alınıb.
Onun kassasiya şikayətitəmin edilməyib.
