İngiltərənin "This is Anfield" nəşri Azərbaycan Premyer liqasında "Kəpəz" futbol klubunun "Qarabağ" üzərindəki qələbəsindən yazıb.
Gencexeber.az məlumat verir ki, jurnalist Henri Cekson nəticəni Ağdam klubunun Liverpul səfəri öncəsi hazırlığı ilə əlaqələndirib.
"Qarabağ" çərşənbə axşamı Liverpul səfərinə ideal hazırlıq keçirmədi, heyəti tamamilə dəyişdi və evdə 0:2 hesabı ilə məğlub oldu. Habelə "Kəpəz" hər iki hissədə fərqlənməyi bacardı" – deyə Cekson yazıb.
Qeyd edək ki, UEFA Çempionlar Liqasının Liqa mərhələsinin son turunda "Qarabağ" "Liverpul"un qonağı olacaq. Matç 28 yanvar saat 23:59-da "Enfild"də baş tutacaq.
Qurban Qurbanovun yetirmələri hazırda 10 xalla 18-ci, "Merseysayd" klubu isə 15 xalla 4-cü sıradadır.
