Bakı-Qazax magistral yolunun Goranboy rayonunun Goran qəsəbəsi ərazisindən keçən hissəsində qəza baş verib.
Gencexeber.az-ın məlumatına əsasən, "Ford" markalı yük avtomobili "KamAZ" markalı yük avtomobilinə arxadan çırpılıb.
Qəza zamanı "Ford" deformasiyaya uğrayıb. Dərhal hadisə yerinə FHN-nin Aran Regional Mərkəzinin Xüsusi Xilasetmə Hissəsinin xilasediciləri cəlb edilib. Avtomobildə sıxılmış vəziyyətdə qalmış sürücü 1990-cı il təvəllüdlü A.Cəfərov xilasedicilər tərəfindən çıxarılıb.
Xəsarət alan sürücü xəstəxanaya yerləşdirilib, onun vəziyyətinin orta ağır olduğu bildirilir.
Hadisə yerinə polis əməkdaşları cəlb edilib. Hazırda faktla bağlı araşdırma aparılır.
