Gəncəli idmançılar beynəlxalq yarışa qatılacaqlar. Bu haqda 20 iyul tarixində Kəpəz televiziyasına istinadən məlumat veririk.
Bosniya və Hersoqovinada boks üzrə kadetlər arasında Avropa birinciliyi keçiriləcək. Turnir 3-11 avqust tarixlərində baş tutacaq. Burada ölkəmizi təmsil edəcək idmançılar arasında Nizami yurdunun yetirmələri Tunar Mehdiyev və Şahin Layıcov da yer alacaqlar.
Onlar həm Özbəkistanda, həm də Şəki və Bakıda yığmanın tərkibində təlim-məşq toplanışı keçiblər. Birincilikdə Tunar Mehdiyev 48, Şahin Layıcov isə 66 kiloqram çəki dərəcəsində mübarizə aparacaqlar.
İdmançılarımız Vətənə qızıl medalla qayıtmaq niyyətində olduqlarını bildiriblər.
