Türkiyənin ixtisasca həkim olan məşhur aktyoru Ercan Kesal Gəncədə film çəkilişində olub.
Teleqraf.аz-a müsahibə verən E.Kesal bildirib ki, Azərbaycana gələndə özünü yad bir ölkədə hiss etməyib:
"Bakıya gəlmək, sanki İstanbula yaxın bir şəhərə getmək kimidir. Bakını dərhal sevdim və ayrılarkən darıxdım. Bu, hər zaman yaşanan bir duyğu deyil, buna əminəm. Yaxın zamanda bir Azərbaycan filmində rol almaq üçün yenidən Bakıya, daha sonra çəkilişlərin aparıldığı Gəncəyə getdim. İşim bitib qayıdarkən yenə də o darıxma hissi ilə ayrıldım Bakıdan.
Azərbaycan xalqı səmimi və səxavətlidir. Bu hal onların bütün münasibətlərinə və davranışlarına hopur. Film və seriallarımızı sevir və maraqla izləyirlər. Oynadığım personajlara məndən daha çox sahibləndiklərinin şahidi olmuşam"
Qeyd edək ki, tanınmış "Çukur" serialındakı "İdris baba" rolu ilə ölkəmizdə daha çox sevilib.
