Şəmkir rayonunda sakinlərdən içki almaq üçün hədə-qorxu ilə pul tələb edən şəxs həbs edilib.
Teleqraf.аz xəbər verir ki, hadisə yanvarın 2-də rayonun Kür qəsəbəsində baş verib.
1968-ci il təvəllüdlü Yavər Nəsibov (ad-soyad şərti verilib) qəsəbənin mərkəzi küçəsində ucadan nalayiq ifadələr işlədib.
Şəmkir Rayon Polis Şöbəsində izahat verən Nəsibov bildirib ki, yanvarın 2-də, saat 18 radələrində qəsəbədə olan zaman spirtli içki içmək istəyib:
"Pulum olmadığı üçün əsəbiləşdim və nə danışdığımı bilmədim. Öz-özümə söyüşlər söymüşəm. Həmin vaxtı Kür Polis Bölməsinin əməkdaşları mənə yaxınlaşdı, özlərini təqdim etdilər. Mən isə əsəbiləşərək nalayiq ifadələr işlətdim. İçki tapa bilməyəndə öz hərəkətlərimi nəzarətdə saxlaya bilmirəm. İnsanlara hədə-qorxu gəlməklə içki almağı tələbə edirəm. Bununla belə ictimai qaydanı pozaraq səs-küy salmağımla bağlı hərəkətlərimdən peşmanam".
Məlum olub ki, Y.Nəsibov əvvəllər Cinayət Məcəlləsinin 120-ci (qəsdən adam öldürmə) maddəsi ilə mühakimə edilib və 10 ildən çox cəza çəkib.
Şəmkir Rayon Məhkəməsinin qərarı ilə Əmirov 15 gün müddətinə inzibati qaydada həbs edilib.
