Gəncədə çalışan müəllim təltif olunub. Bu haqda 22 iyul tarixində Azərforum-a istinadən xəbər veririk.
Söhbət Sevinc Osmanovadan gedir. O, Sumqayıt Heydər Əliyev Mərkəzində keçirilən möhtəşəm tədbirdə mükafatlandırılıb. Pedaqoq “İlin müəllimi” adını qazanıb.
İSİM layihəsinin müəllifi, karyera-psixologiya üzrə beynəlxalq mütəxəssis Samir Vəliyev “İlin müəllimi”nə diplom və xüsusi hazırlanmış kubok təqdim edib.
Qeyd edək ki, İSİM layihəsi ibtidai sinif şagirdlərinin inkişafını təmin edən İSİM metodikasına əsaslanır. Bu metodika nəticəsində şagirdlər dərslərə daha yaxşı köklənirlər və dərsləri daha yaxşı mənimsəyirlər.
