Hind quşu əti insan sağlamlığı üçün çox faydalıdır.
Gencexeber.az bildirir ki, bu barədə Azərbaycan Qida Təhlükəsizliyi Agentliyi ( AQTA) məlumat yayıb.
Məlumata əsasən, bu ət asan həzm olunur və bədən tərəfindən yaxşı mənimsənilir.
Hind quşu ətinin 100 qramında yağlılıqdan asılı olaraq 110–176 kilokalori enerji var. Digər ət növləri ilə müqayisədə bu ətdə xolesterol azdır, bu da onu daha sağlam edir.
Hind quşu əti qan azlığı (anemiya), damar sərtliyi (ateroskleroz) riskini azaltmağa kömək edir və immun sistemini gücləndirir. Allergiya yaratmadığı üçün körpələr üçün də təhlükəsiz hesab olunur.
Diri hind quşu alarkən onun pipiyinə və ayaqlarına diqqət etmək lazımdır. Körpə hind quşunun pipiyi açıq rəngdə, ayaqları isə boz və hamar olmalıdır. Təzə kəsilmiş hind quşu ətinin dərisi ağ-sarımtıl rəngdə, elastik, qoxusu isə özünəməxsus olmalıdır.
