Gəncədə qətl törədən şəxs öz həyatına son qoyub. Bu haqda 1 iyul tarixində baku.ws-ə istinadən məlumat veririk.
Bir müddət öncə 65 yaşlı Mahir Quliyevin həyat yoldaşını qətlə yetirməsi və 25 yaşlı gənci bıçaqlaması barədə xəbər paylaşmışdıq. Daha sonra həmin şəxs özünü də yaralamışdı. Nəticədə Quliyev xəstəxanaya yerləşdirilib.
Lakin dörd gün sonra müalicə aldığı səhiyyə ocağının 3-cü mərtəbəsindəki palatasının pəncərəsindən özünü ataraq intihar edib.
Xatırladaq ki, hadisə qısqanclıq zəminində baş verib. Mahir Quliyev 45 yaşlı həyat yoldaşı İlhamə Hüseynovanın 25 yaşlı Akif Ağalarovla münasibəti olmasından şübhələnib. O, Cəlil Məmmədquluzadə küçəsində yerləşən evin qarşısına gələrək Hüseynova ilə mübahisə edib. Daha sonra isə qadını bıçaqlayaraq qətlə yetirib. Quliyev, həmçinin Akif Ağalarova da xəsarət yetirib.
Sonda isə o, özünü bıçaqlayıb.
