Şəmkirdə həyətyanı sahədə yanğın baş verib.
Fövqəladə Hallar Nazirliyinin məlumatına əsasən, hadisə rayonun Könüllü kəndində qeydə alınıb.
Həyətyanı sahədə yığılan 12 ton ot bağlamasının 8 tonu və ümumi sahəsi 30 kvadrat metr olan bitişik tövlənin dam örtüyünün yanar konstruksiyaları 10 kvadrat metr sahədə yanıb.
Əraziyə FHN-nin yanğından mühafizə bölmələri cəlb olunublar. Alov söndürülüb. Yanğının yayılmasının qarşısı alınıb.
