Gəncədə saxta nömrələr düzəldən şəxs tutulub. Bu haqda 18 yanvar tarixində Apa-ya istinadən məlumat veririk.
Gəncə şəhər Baş Polis İdarəsinin Cinayət Axtarışı İdarəsinin əməkdaşları əməliyyat-axtarış tədbirləri keçiriblər. Nəticədə şəhər sakini Asif Yusifov saxlanılıb. O, istifadəsiz avtomobil qeydiyyat nişanlarının üzərindəki simvolları pozaraq yenisi ilə əvəz edib. Şübhəli şəxsin emalatxanasına baxış keçirilərkən bir neçə dövlət qeydiyyat nömrəsi aşkar olunaraq maddi sübut kimi götürülüb.
Faktla bağlı araşdırmalar davam etdirilir.
