Gəncə sakini fantastik qiymətə nömrə satır. Bu haqda 18 yanvar tarixində ATV-yə istinadən məlumat veririk.
Şəhər sakini olan İsgəndər adlı şəxs saytların birində elan yerləşdirib. O, mobil operatorlardan birinə məxsus olan nömrəni fiziki şəxslər üçün 1 milyon 700 min, hüquqi şəxslər üçün isə 17 milyon manata satır.
“Fərdi şirkətlərlə işləyən adamlar üçün imzadır bu nömrə. Hər vizit kartının yaraşığıdır. 6 ay bu nömrəni axtarmışıq. Qoyduğum qiymətdən 1 manat da aşağı verməyəcəyəm”, - deyə nömrənin sahibi bildirib.
Nömrə satışı təmsilçiləri hesab edirlər ki, vətəndaş bu fantastik elanla diqqət çəkmək istəyir. Bildirilir ki, nömrənin dəyəri heç 20 manat da deyil.
