Gəncədə yenidənqurma və abadlıq işləri həyata keçirilir.
Gencexeber.az məlumat verir ki, Gəncə şəhərinin Gülüstan qəsəbəsində Bakı Abadlıq Xidməti tərəfindən genişmiqyaslı təmir və abadlıq tədbirləri görülür. Həyata keçirilən layihə çərçivəsində ərazidə yerləşən binaların köhnə dam örtükləri yenilənir, bəzi mənzillərdə isə qapı və pəncərələr yeni konstruksiyalarla əvəz olunur.
Aparılan quruculuq və yenidənqurma işləri zamanı milli dəyərlərimizi əks etdirən memarlıq detallarının qorunmasına da xüsusi diqqət yetirilir.
Bununla yanaşı, ərazidə sakinlərin istirahəti və asudə vaxtlarını səmərəli keçirmələri üçün müəyyən şəraitin yaradılması da nəzərdə tutulur. Abadlıq işlərinin mərhələli şəkildə davam etdirilməsi planlaşdırılır.
