Daha bir gəncəli idmançı beynəlxalq turnirdə mübarizə aparacaq. Bu haqda 20 iyul tarixində Kəpəz televiziyasına istinadən məlumat veririk.
Oktyabr ayında Albaniyanın paytaxtı Tiranada 23 yaşadək güləşçilərin Dünya çempionatı keçiriləcək. Burada Nizami yurdunun yetirməsi Gültəkin Şirinova da qüvvəsini sınayacaq. Təmsilçimiz mundialda qalib olmağı qarşısına məqsəd qoyub.
“Ola bilsin, orada 53 kiloqramda çıxış etdim. Hələlik dəqiqləşməyib. 53 kiloqramda güləşsəm, daha yaxşı olar. Çünki bu çəkidə rəqiblərimi tanıyıram. Yaxşı hazırlaşaraq Vətənə qızıl medalla qayıtmağı arzulayıram”, - deyə idmançımız bildirib.
Qeyd edək ki, Tiranadakı turnirdən bir neçə gün sonra güləşçi böyüklərin Dünya çempionatına qatılacaq.
