Gəncədə leysan səbəbindən sakinlər çətinliklərlə üzləşiblər. Bu haqda 29 iyul tarixində Report-a istinadən xəbər veririk.
Şəhər ərazisində bir müddətdir davam edən qeyri-sabit hava şəraiti bir sıra fəsadlara yol açıb. Magistral yollarda və şəhərin Şərq çıxışında, körpünün altından keçən hissəyə yağış suları dolub. Bir neçə nəqliyyat vasitəsi suyun əhatəsində qalıb.
Həmçinin şəhərin Yeni Gəncə yaşayış massivindəki yeni salınan məhəllədə 30-a yaxın fərdi yaşayış sahəsini su basıb.
