Göygöldə idarəetmədən çıxaraq aşan "Mercedes" markalı avtomobil duracaqda yanıb.
Gencexeber.az məlumat verir ki, Bakı-Qazax magistral yolunun Göygöl rayonu ərazisindən keçən hissəsində idarəetmədən çıxaraq yolun kənarına aşan avtomobil Şəmkir rayonunda yerləşən duracağa gətirildikdən sonra yanıb.
Hadisə yerinə dərhal FHN Dövlət Yanğından Mühafizə Xidmətinin Şəmkir Rayon Dövlət Yanğından Mühafizə Hissəsinin yanğınsöndürən maşınları və canlı qüvvəsi cəlb edilib.
Faktla bağlı araşdırma aparılır.
Qeyd edək ki, hadisə zamanı 2 nəfər ölüb, 2-i isə ağır yaralanıb.
