Göygöldə ev yanıb.
Gencexeber.az bildirir ki, hadisə Göygöl şəhərin Aydın Hacıyev küçəsində baş verib. Sözügedən küçədə yerləşən fərdi yaşayış evlərinin birində anidən yanğın olub.
Dərhal hadisə yerinə FHN yanğın söndürən avtomobilləri və canlı qüvvəsi cəlb edilib. Yanğın söndürülüb, evin qalan hissəsi yanğından mühafizə olunub.
Hadisə nəticəsində ev sahibi 1989-cu il təvəllüdlü Aygün Hüseynova tüstüdən zəhərlənib. Qadın xəstəxanaya yerləşdirilib, vəziyyətinin kafi olduğu bildirilir.
Faktla bağlı araşdırma aparılır.
