“Göygöl Şərab Zavodu” ASC-nin səhmdarlarının növbədənkənar ümumi yığıncağı keçiriləcək.
İqtisadiyyat.az xəbər verir ki, toplantı oktyabrın 29-na təyin olunub. Yığıncağın gündəliyinə səhmdar cəmiyyətinin Müşahidə Şurasının tərkibində dəyişikliklərin edilməsi və şirkətin fəaliyyəti ilə bağlı digər təşkilati məsələlər, eləcə də həll yolları müzakirə olunacaq.
Qeyd edək ki, “Göygöl Şərab Zavodu” ASC şərab, konyak, şampan və vodka istehsal edən müəssisəsidir. ASC 16 sentyabr 2005-ci il tarixindən səhmdar cəmiyyət kimi fəaliyyət göstərir. Əsas səhmdarı 99.88% payla “Vinagro” MMC-dir.
