Gəncədə növbəti təmizlik aksiyası keçirilib.
Gencexeber.az-a Gəncə şəhər Mənzil Kommunal Təsərrüfatı İstehsalat Birliyindən verilən məlumata görə, qurumun Ərazi Xidmət Sahələri tərəfindən şəhər ərazisində kompleks təmizlik işləri həyata keçirilib. Bu dəfəki təmizlik aksiyası Atatürk prospektində, Rəfibəyli və Totanlı küçəsində, Sadıllı qəsəbəsi yolunda, "Kəpəz" stadionunun qarşısında və bir sıra digər müxtəlif ərazilərdə təşkil olunub.
Adıçəkilən ərazilər məişət tullantılarından, qurumuş alaq otlarından, xəzəldən eləcə də toz-torpaqdan təmizlənib. Toplanan zibil kütləsinin ərazidən daşınması təmin edilib. Adıçəkilən ünvanlarda zibil konteynerlərinin ətrafında səliqə-sahman yaradılıb.
Bildirilib ki, MKTİB tərəfindən aparılan bu kimi aksiyalar şəhərin təmizlik balansının qorunub saxlanılması ilə yanaşı nəqliyyat vasitələrinin və piyadaların rahatlığının təmin edilməsi məqsədi daşıyır.
Qeyd edək ki, şəhər Mənzil Kommunal Təsərrüfatı İstehsalat Birliyi tərəfindən görülən bu kimi işlər mütəmadi olaraq şəhərin müxtəlif ərazilərində həyata keçirilir.
