Xəbər verdiyimiz kimi, Gəncə Şəhər Hərbi Hospitalın ərazisində naməlum məqsədlərlə qazılan xəndək uzun müddət zibil poliqonunu xatırladıb.
Gencexeber.az bildirir ki, sözügedən ərazidə Gəncə Şəhər İcra Hakimiyyəti Mənzil Kommunal Təsərrüfatı İstehsalat Birliyinin (MKTİB) canlı qüvvəsi və qurumun xüsusi texnikaları vasitəsilə təmizlik işləri görülüb.
Aksiya çərçivəsində adıçəkilən ərazinin müxtəlif hissələrini özləri üçün zibil poliqonuna çevirən sakinlərin məişət, təmir və digər qalıqlarından ibarət tullantıları bir yerə yığılaraq ərazidən daşınması təmin edilib.
Ərazinin yaxınlığında yerləşən məişət tullantılarının atılması üçün nəzərdə tutulan müxtəlif tutumlu konteynerlər boşaldılıb, ətrafları təmizlənib.
