Gəncədə Heydər Əliyev prospektində yerləşən binalardan birinin qarşısında asfalt örtüyünün olmaması sakinləri boğaza yığıb.
Gencexeber.az-a şikayət ünvanlayan sakinlərin sözlərinə görə, H.Əliyev prospektində bina 5-in qarşısında yerləşən ərazi uzun illərdir baxımsız vəziyyətdə qalıb:
"Sözügedən hissədə asfalt örtüyünün olmaması yağışlı havalarda küçəni iflic hala gətirib çıxarır. Palçıq və dərin çalalar səbəbindən hərəkət ciddi şəkildə çətinləşir. Aidiyyəti qurumlara dəfələrlə müraciət olunmasına baxmayaraq, ərazidə hər hansı əsaslı təmir və ya abadlıq işi aparılmayıb".
Sakinlər aidiyyəti qurumlardan sözügedən əraziyə baxılmasını, yolun əsaslı şəkildə təmir olunmasını tələb edirlər.
