Bir neçə il öncə Gəncə şəhər Aşıq Ələsgər adına 36 nömrəli tam orta məktəbdə kosmetik təmir aparılıb.
Gencexeber.az-a daxil olan şikayətə əsasən, buna baxmayaraq, təhsil ocağının divar və tavan örtükləri tökülür, otaqlarda isə rütubət və kif izləri açıq-aşkar görünür. Su sızmaları nəticəsində rənglənmiş hissələr qopub. Bir çox yerlərdə divar boyu ləkələr yayılıb.
Valideynlərin sözlərinə görə, bu şəraitdə tədris aparmaq həm şagirdlərin sağlamlığı, həm də təhsilin keyfiyyəti üçün ciddi təhlükə yaradır. Onlar məsələ ilə bağlı aidiyyəti qurumların təcili tədbir görməsini tələb edirlər.
