Gəncəli atlet beynəlxalq turnirdə 1-ci yerə çıxıb.
Gencexeber.az-ın məlumatına görə, Milli Olimpiya Komitəsinin dəstəyi, Beynəlxalq Natural Bodibildinq Assosiasiyasının Azərbaycan nümayəndəliyi "INBA Qlobal Azərbaycan" və Dünya Bodibildinq və Fizik İdmanları Federasiyasının ölkəmizdəki nümayəndəliyi "WBPF Azərbaycan" birliyinin təşkilatçılığı ilə Opera studiyada "STARS KID"S" və "MS & MR NATURALS" adlı beynəlxalq turnir keçirilib.
Yarışda 100-dən artıq atlet müxtəlif kateqoriyalar üzrə birincilik uğrunda mübarizə aparıb.
Turnirdə ilk dəfə tətbiq olunan "Womans Evening Gown" kateqoriyasında çıxış edən gəncəli atlet Rəqsanə Əlizadə yüksək nəticə göstərərək 1-ci yerə layiq görülüb. Qalibiyyət ona həm Macarıstanda təşkil ediləcək Dünya çempionatına, həm də Azərbaycanın ev sahibliyi edəcəyi Avropa çempionatına birbaşa vəsiqə qazandırıb.
Qeyd edək ki, 2001-ci il təvəllüdlü Rəqsanə Əlizadə Gəncə şəhərində dünyaya göz açıb. Hazırda Bakı şəhərində yaşayan xanım Gəncə şəhər İmadəddin Nəsimi adına 44 nömrəli məktəb-lisey kompleksinin məzunudur.
23 yaşlı idmançı artıq 1 ildir ki, peşəkar bodibildinq və fitnes atletidir. O, həmçinin şəxsi fitnes məşqçisi kimi fəaliyyət göstərir.
